ಬ್ರಹ್ಮಾವರ(ಫೆ,28): ಮೆಸ್ಕಾಂ ಬ್ರಹ್ಮಾವರದಲ್ಲಿ ಜೆಸಿಐ ಬ್ರಹ್ಮಾವರ ಸೇವಾಮೆ ಇತ್ತೀಚೆಗೆ ಆಯೋಜಿಸಿದ ಸೆಲ್ಯೂಟ್‌ ದಿ ಸೈಲೆಂಟ್‌ ವರ್ಕರ್‌ ಎಂಬ ಕಾರ್ಯಕ್ರಮದ ಅಡಿಯಲ್ಲಿ ಮೆಸ್ಕಾಂ ನಲ್ಲಿ ಪ್ರಾಮಾಣಿಕವಾಗಿ ಸೇವೆಸಲ್ಲಿಸಿದ 5 ಜನ ಪವರ್ ಮ್ಯಾನ್‌ ರನ್ನು ಸನ್ಮಾನಿಸಲಾಯಿತು.
ಶ್ರೀ ಕೃಷ್ಣಮೂರ್ತಿ ಹೈಕಾಡಿ – ಅಧ್ಯಕ್ಷರು, ಜೆಸಿಐ ಬ್ರಹ್ಮಾವರ 
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಜೆಸಿಐ ಬ್ರಹ್ಮಾವರದ ಅಧ್ಯಕ್ಷರಾದ ಶ್ರೀ ಕೃಷ್ಣಮೂರ್ತಿ ಹೈಕಾಡಿ ವಹಿಸಿದ್ದರು. ಎಲ್ಲರನ್ನು ಸ್ವಾಗತಿಸಿ ಜೆಸಿಐ ನ ಉದ್ದೇಶ ಮತ್ತು ಕಾರ್ಯಕ್ರಮದ ಉದ್ದೇಶಗಳನ್ನು ತಿಳಿಸಿದರು. ಮುಖ್ಯ ಅತಿಥಿಯಾಗಿ ಆಗಮಿಸಿದ ಶ್ರೀಮತಿ ನಾಗವೇಣಿ ಪಂಡರಿನಾಥ್‌ ಅಧ್ಯಕ್ಷರು ಗ್ರಾಮ ಪಂಚಾಯತ್ ವಾರಂಬಳ್ಳಿ ಇವರು ಮಾತನಾಡಿ ಸಂಸ್ಥೆಯಿಂದ ನಡೆದ ಈ ಕಾರ್ಯಕ್ರಮವನ್ನು ಮೆಚ್ಚುಗೆ ವ್ಯಕ್ತಪಡಿಸಿದರು.
ಸಹಾಯಕ ಕಾರ್ಯ ನಿರ್ವಾಹಕ ಇಂಜಿನಿಯರ್‌ ಶ್ರೀ ಅಶೋಕ್‌ ಪೂಜಾರಿಯವರು ಮಾತನಾಡುತ್ತಾ ಮೆಸ್ಕಾಂ ನಲ್ಲಿ ಬಂದು ನಮ್ಮ ಸಂಸ್ಥೆಯ ನೌಕರನ್ನು ಗುರುತಿಸಿ ಸನ್ಮಾನಿಸುವ ಕಾರ್ಯ ನಿಜಕ್ಕೂ ಸಂತೋಷವಾಯಿತು ಮತ್ತು ಇನ್ನು ಮುಂದೆ ನಮ್ಮ ಜವಾಬ್ದಾರಿಯೂ ಕೂಡ ಜಾಸ್ತಿ ಯಾಗಿದೆ ಎನ್ನುತ್ತಾ ಬ್ರಹ್ಮಾವರ ಜನತೆಗೆ ಉತ್ತಮ ಸೇವೆ ಯನ್ನು ಮೇಸ್ಕಾಂ ನೀಡುತ್ತದೆ ಎಂದು ತಿಳಿಸಿದರು.
ಕಾರ್ಯಕ್ರಮದಲ್ಲಿ ಸಹಾಯಕ ಇಂಜಿನಿಯರ್‌ ಶ್ರೀ ಉದಯ್‌ ಖಾರ್ವಿ ಮತ್ತು ಶ್ರೀ ಸುದರ್ಶನ್‌ ಮತ್ತು ಹಂದಾಡಿ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷರಾಗಿರುವ ಶ್ರೀ ಉದಯ್‌ ಪೂಜಾರಿ, ವಾರಂಬಳ್ಳಿ ಗ್ರಾಮ ಪಂಚಾಯತ್ ಉಪಾಧ್ಯಕ್ಷರಾದ ದೇವಾನಂದ್‌ ನಾಯಕ್‌, ಸದಸ್ಯರಾದ ಶ್ರೀ ಕ್ರಿಸ್ಪಿನ್ ಡಿಸಿಲ್ವಾ, ಶ್ರೀಮತಿ ಉಮಾಬಾಯಿ, ಹಾಗೂ ಜೆಸಿಐ ಬ್ರಹ್ಮಾವರ ಸೇವಾಮೆ ಪೂವಾಧ್ಯಕ್ಷರು ಶ್ರೀಮತಿ ಆಶಾ ಡಿಸೋಜಾ ಶ್ರೀ ಜೊಯೆಲ್ ಡಿ ಅಲ್ಮೇಡಾ, ಖಜಾಂಜಿ ಶ್ರೀಮತಿ ಜ್ಯೋತಿ ಮತ್ತು ಶ್ರೀ ರೋಷನ್‌ ಅಲ್ಮೇಡಾ ಹಾಗೂ ಮೆಸ್ಕಾಂ ನ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ಬ್ರಹ್ಮಾವರ ಮೆಸ್ಕಾಂನಲ್ಲಿ ಸೇವೆ ಸಲ್ಲಿಸುತ್ತಿರುವ ಶ್ರೀ ಗಣೇಶ್‌ ದೇವಾಡಿಗ, ಶ್ರೀ ರಮೇಶ್ ನಾಯ್ಕ್‌, ಶ್ರೀ ರಾಘವೇಂದ್ರ, ಶ್ರೀ ಭಾಸ್ಕರ ಪೂಜಾರಿ, ಶ್ರೀ ಸೂರ್ಯ ನಾಯ್ಕ ಇವರನ್ನು ಸನ್ಮಾನಿಸಿ ಗೌರವಿಸಲಾಯಿತು. ಹಾಗೆ ಇನ್ನು ಮುಂದೆ ಇಂತಹ ಕಾರ್ಯಗಳು ಜೆಸಿಐ ಬ್ರಹ್ಮಾವರದಿಂದ ನಡೆಯುತ್ತಿದ್ದು ನಮ್ಮ ಜೊತೆ ತನು ಮನ ಧನ ಸಹಾಯದೊಂದಿಗೆ ಕೈ ಜೊಡಿಸುವವರು ಜೆಸಿಐ ಬ್ರಹ್ಮಾವರ ಅಧ್ಯಕ್ಷರನ್ನು (9743682692) ಸಂಪರ್ಕಿಸಲು ಈ ಮೂಲಕ ತಿಳಿಸಲಾಗಿದೆ.
