ಬ್ರಹ್ಮಾವರ (ಜು,02): ಜೆಸಿಐ ಬ್ರಹ್ಮಾವರ ಸೇವಾಮೆ ಬ್ರಹ್ಮಾವರ ಸಂಸ್ಥೆಯ ಸೆಲ್ಯೂಟ್‌ ದಿ ಸೈಲೆಂಟ್‌ ಸ್ಟಾರ್‌ ಪುರಸ್ಕಾರವನ್ನು ಆವರ್ಸೆ ಅಂಚೆ ಇಲಾಖೆಯ ಉಪ ಅಂಚೆ ಪಾಲಕರಾಗಿರುವ ಶ್ರೀ ಭಾಸ್ಕರ್‌ ಕಾಮತ್‌ ಮತ್ತು ಮಂದಾರ್ತಿ ಜಿಡಿಎಸ್‌ ಆಗಿರುವ ಶ್ರೀ ಆನಂದ ಮರಕಾಲ ಇವರಿಗೆ ನೀಡಲಾಯಿತು.
ಕಾರ್ಯಕ್ರಮದಲ್ಲಿ ಆವರ್ಸೆ ಗ್ರಾಮ ಪಂಚಾಯತ್‌ ಅಭಿವೃದ್ಧಿ ಅಧಿಕಾರಿಯಾಗಿರುವ ಶ್ರೀ ಸೀತಾರಾಮ ರವರು ಮಾತನಾಡಿ ಗ್ರಾಮೀಣ ಭಾಗದಲ್ಲಿ ಪ್ರಾಮಾಣಿಕವಾಗಿ ಸೇವೆ ಸಲ್ಲಿಸುತ್ತಿರುವವರನ್ನು ಗುರುತಿಸಿ ಸನ್ಮಾನಿಸುತ್ತಿರುವ ಜೆಸಿಐ ಕಾರ್ಯ ಶ್ಲಾಘನೀಯ ಎಂದು ತಿಳಿಸಿದರು.
ಸಿಂಡಿಕೇಟ್‌ ರೈತರ ಸಹಕಾರಿ ಸಂಘ ಆವರ್ಸೆ ಶಾಖೆಯ ಶಾಖಾಧಿಕಾರಿಯಾಗಿರುವ ಶ್ರೀ ಶರತ್‌ ಶೆಟ್ಟಿ ಯವರು ಮಾತನಾಡಿ ನಮ್ಮ ಬಾಲ್ಯದಲ್ಲಿ ಪೋಸ್ಟ್ ಮ್ಯಾನ ತರುವ ಪೋಸ್ಟ್ ಗೆ ಕಾಯುವ ಕಾತುರ ಈಗಿನ ಸಮಯದಲ್ಲಿ ತಂತ್ರಜ್ಞಾನ ಬೆಳೆದು ಅವೆಲ್ಲವೂ ಕಾಣಿಸುವುದಿಲ್ಲಾ ಎನ್ನುವುದನ್ನು ತಿಳಿಸಿದರು.
ಜೆಸಿಐ ಬ್ರಹ್ಮಾವರ ಸೇವಾಮೆ ಅಧ್ಯಕ್ಷರಾಗಿರುವ ಕೃಷ್ಣಮೂರ್ತಿ ಹೈಕಾಡಿ ಸ್ವಾಗತಿಸಿದರು. ಆವರ್ಸೆ ಗ್ರಾಮ ಪಂಚಾಯತ್‌ ಅಧ್ಯಕ್ಷರಾಗಿರುವ ಶ್ರೀಮತಿ ಜ್ಯೋತಿ, ಆವರ್ಸೆ ಅಂಚೆ ಪಾಲಕರಾಗಿರುವ ಶ್ರೀ ಸರ್ವೋತ್ತಮ ಹೆಗ್ದೆ, ಗ್ರಾಮ ಪಂಚಾಯತ್‌ ಉಪಾಧ್ಯಕ್ಷರಾಗಿರುವ ಶ್ರೀ ದಿವಾಕರ ಗಾಣಿಗ, ಆವರ್ಸೆ ಗ್ರಾಮ ಪಂಚಾಯತ್‌ ಕಾರ್ಯದರ್ಶಿ ಶ್ರೀಮತಿ ಭವಾನಿ, , ಗ್ರಂಥ ಪಾಲಕಿ ಅನುಷಾ,ಆವರ್ಸೆ ಗ್ರಾಮ ಪಂಚಾಯತ್‌ ಸದಸ್ಯರು, ಪಂಚಾಯತ್‌ ಕಚೇರಿ ಸಹಾಯಕರು, ಹಾಲು ಉತ್ಪಾದಕರ ಸಹಕಾರಿ ಸಂಘ ಆವರ್ಸೆ ಶಾಖೆಯ ಸಹಾಯಕರು ಉಪಸ್ಥಿತರಿದ್ದರು.ಹಾಲು ಉತ್ಪಾದಕರ ಸಹಕಾರಿ ಸಂಘ ಆವರ್ಸೆ ಶಾಖೆಯ ಕಾರ್ಯದರ್ಶಿ ಶ್ರೀ ಶೇಷಪಣ್ಣ ವಂದಿಸಿದರು.
