ತ್ರಾಸಿ (ಆ,15): ತ್ರಾಸಿ ಸಮೀಪದ ಕಂಚುಗೋಡು ಭಗತ್ ನಗರದ ಶ್ರೀಮತಿ ಪುಷ್ಪಾ ಉಲ್ಲಾಸ್ ದಂಪತಿಗೆ ಅಗಸ್ಟ್ 15 ರಂದು ನೂತನ ಮನೆಯನ್ನು ಉದ್ಯಮಿ ,ಕೊಡುಗೈದಾನಿ ಶ್ರೀ ಗೋವಿಂದ ಬಾಬು ಪೂಜಾರಿಯವರು ತಮ್ಮಕುಟಂಬದ ಸದಸ್ಯರು, ಅಭಿಮಾನಿಗಳು , ಸೇವಾ ಸಂಕಲ್ಪ ಸಂಸ್ಥೆಯ ಸದಸ್ಯರು ಹಾಗೂ ಊರ ಜನತೆಗಳ ಉಪಸ್ಥಿತಿಯಲ್ಲಿ ಶ್ರೀಮತಿ ಪುಷ್ಪಾ ಉಲ್ಲಾಸ್ ದಂಪತಿಗೆ ಮನೆಯ ಕೀ ನೀಡುವುದರ ಮೂಲಕ ಹಸ್ತಾಂತರಿಸಿದರು.
ಹಲವು ಬಡ ಕುಟುಂಬಗಳಿಗೆ ಆಶ್ರಯದಾತರಾಗಿರುವ ಶ್ರೀ ಗೋವಿಂದ ಬಾಬು ಪೂಜಾರಿಯವರು ಮಾಧ್ಯಮ ಜೊತೆ ಮಾತನಾಡುತ್ತ, ನಮ್ಮ ಟ್ರಸ್ಟ್ ವತಿಯಿಂದ ನಿರ್ಮಿಸಿ ಕೊಟ್ಟ ನಾಲ್ಕನೇ ಮನೆ ಇದಾಗಿದ್ದು, ,ನಮ್ಮ ವರಲಕ್ಷ್ಮೀ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ 5ನೇ ಮನೆಯ ನಿರ್ಮಾಣ ಕಾರ್ಯ ಪ್ರಗತಿ ಹಂತದಲ್ಲಿದ್ದು, ಕಾಳಾವರದ ಒಂದು ಒಂದು ಕಡು ಬಡತನದಲ್ಲಿರುವ ಕುಟುಂಬವೊಂದಕ್ಕೆ ಅಕ್ಟೋಬರ್ 2 ರ ಗಾಂಧಿ ಜಯಂತಿಯಂದು ಗೃಹಪ್ರವೇಶ ಕಾರ್ಯಕ್ರಮ ಹಮ್ಮಿಕೊಂಡಿದ್ದೇವೆಂದು ತಿಳಿಸಿದರು.
4ನೇ ಮನೆ ಪಡೆದ ಈ ಬಡ ದಂಪತಿಗಳು ತೀರ ಬಡವರಾಗಿದ್ದು, ಮನೆ ಕಟ್ಟಬೇಕೆಂಬ ಅಭಿಲಾಸೆಯಿಂದ ಸಣ್ಣ ಪ್ರಮಾಣದಲ್ಲಿ ನೆಲೆ ಗಟ್ಟು ಹಾಕಿ ಕೊಂಡಿದ್ದರು. ಮನೆ ಕಟ್ಟಲಾಗದ ಪರಿಸ್ಥಿತಿ ಅರಿತು ಸೇವಾ ಸಂಕಲ್ಪ ಸೇವಾ ಸಂಸ್ಥೆಯವರು ಶ್ರೀ ಗೋವಿಂದ ಬಾಬು ಪೂಜಾರಿಯವರ ಗಮನ ತಂದಾಗ ಅವರು ಸ್ವತಃ ಅಲ್ಲಿಗೆ ಭೇಟಿ ಕೊಟ್ಟು ಬಡ ಕುಟುಂಬದ ಕಷ್ಟ ಅರಿತು, ಪೂರ್ಣ ಪ್ರಮಾಣದ ಮನೆ ಕಟ್ಟಿ ಕೊಡುವ ಅಭಯ ನೀಡಿದ್ದು, ಇಂದು ಸ್ವಾತಂತ್ರೋತ್ಸವ ದಿನದಂದು ನಡೆದ ಮನೆ ಹಸ್ತಾಂತರಕ್ಕೆ ನೆರದವರೆಲ್ಲಾ ಸಾಕ್ಷಿಯಾದರು. ಹಾಗೆಯೇ
ಶ್ರೀ ಗೋವಿಂದ ಬಾಬು ಪೂಜಾರಿಯವರು ಈ ಸೇವೆ ತೀರ ಬಡವರಿಗೆ, ಸೂರು ಇಲ್ಲದವರಿಗೆ ವರ್ಷಕ್ಕೆ 2ಮನೆ ನಿರ್ಮಾಣ ಮಾಡಿ ಕೊಡುವ ಸಂಕಲ್ಪ ಮಾಡಿರುವುದರ ಬಗ್ಗೆ ತಿಳಿಸಿದ್ದಾರೆ.
ವರದಿ 
ಈಶ್ವರ ಸಿ ನಾವುಂದ.
