ಬೈಂದೂರು( ಮಾ. 29:): ಡಾ.ಗೋವಿಂದ ಬಾಬು ಪೂಜಾರಿಯವರು ಶ್ರೀ ವರಲಕ್ಷ್ಮೀ ಚಾರಿಟೆಬಲ್ ಟ್ರಸ್ಟ್ ಮೂಲಕ ಮಾನವೀಯ ನೆಲೆಯಲ್ಲಿ ಸಮಾಜ ಸೇವೆಗೈಯುತ್ತಿರುವುದು ಶ್ಲಾಘನೀಯ ಎಂದು ಶ್ರೀರಾಮ ವಿದ್ಯಾಕೇಂದ್ರ ಟ್ರಸ್ಟ್ ಅಧ್ಯಕ್ಷ ಡಾ. ಕಲ್ಲಡ್ಕ ಪ್ರಭಾಕರ ಭಟ್ ಹೇಳಿದರು. ಅವರು ಡಾ.ಗೋವಿಂದ ಬಾಬು ಪೂಜಾರಿಯವರು ಶ್ರೀ ವರಲಕ್ಷ್ಮೀ ಚಾರಿಟೆಬಲ್ ಟ್ರಸ್ಟ್ ಮೂಲಕ ನಿರ್ಮಾಣಗೊಂಡ ಶ್ರೀ ವರಲಕ್ಷ್ಮೀ ನಿಲಯದ ಏಳನೆಯ ಮನೆಯ ಹಸ್ತಾಂತರ ಕಾರ್ಯಕ್ರಮದ ಉದ್ಘಾಟಿಸಿ ಮಾತನಾಡಿದರು.
ಬೈಂದೂರಿನ ಗದ್ದೆಮನೆ ಲಕ್ಷ್ಮೀ ದೇವಾಡಿಗ ಬಡ ವ್ರದ್ಡ ಮಹಿಳೆಯ ಕಷ್ಟವನ್ನು ಕಣ್ಣಾರೆಕಂಡು ಅಜ್ಜಿಗೊಂದು ಮನೆ ನಿರ್ಮಾಣ ಮಾಡುವ ಸಂಕಲ್ಪ ಕೈಗೊಂಡು ವರಲಕ್ಷ್ಮೀ ಟ್ರಸ್ಟ್ ಮೂಲಕ ಮನೆಯನ್ನು ಅಜ್ಜಿ ಗೆ ಹಸ್ತಾಂತರಿಸಲಾಯಿತು . ಡಾ| ಗೋವಿಂದ ಬಾಬು ಪೂಜಾರಿ ಪ್ರಸ್ತಾವನೆಗೈದು ಮನೆ ನಿರ್ಮಾಣದ ಹಿನ್ನಲೆಯ ಕುರಿತು ವಿವರಿಸಿದರು .
ಕಾರ್ಯಕ್ರಮದಲ್ಲಿ ರಮಾನಾಥ ಜೋಯಿಷ ಉಡುಪಿ, ಬೈಂದೂರು ತಾಲೂಕು ಪತ್ರಕರ್ತ ಸಂಘದ ಅಧ್ಯಕ್ಷ ,ಹಿರಿಯ ಚಿಂತಕ ಎಸ್‌. ಜನಾರ್ದನ ಮರವಂತೆ ಮುಖ್ಯ ಅತಿಥಿಗಳಾಗಿ ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ಮನೆ ನಿರ್ಮಾಣ ಮಾಡಿಕೊಟ್ಟ ಉದ್ಯಮಿ ಗೋವಿಂದ ಬಾಬು ಪೂಜಾರಿಯ ವರನ್ನು ಸಮ್ಮಾನಿಸಲಾಯಿತು. ಶ್ರೀ ಸುಬ್ರಹ್ಮಣ್ಯ ಜಿ. ಉಪ್ಪುಂದ ಕಾರ್ಯಕ್ರಮ ನಿರ್ವಹಿಸಿ, ವಂದಿಸಿದರು.
