ಮಂಗಳೂರು (ಡಿ.26): ಪ್ರಮುಖ ಮಾಧ್ಯಮ ಉದ್ಯಮ ನೆಟ್‌ವರ್ಕ್‌18 ಇದೀಗ ಗ್ರೀನ್ ಭಾರತ್ ಆರಂಭಿಕ ಆವೃತ್ತಿಯನ್ನು ಪೂರ್ತಿಗೊಳಿಸಿದ್ದು, ದೇಶದ ಅತಿದೊಡ್ಡ ಶುದ್ಧ ಎಲೆಕ್ಟ್ರಿಕ್ ವಾಹನ ಕಂಪನಿಯಾಗಿರುವ ಓಲಾ ಎಲೆಕ್ಟ್ರಿಕ್ ಜೊತೆಗೆ ಸಹಭಾಗಿತ್ವದಲ್ಲಿ ನಡೆದ ವಾರ್ಷಿಕ ಸಮ್ಮೇಳನ ಇದಾಗಿತ್ತು. ಇವಿಗಳನ್ನು ವ್ಯಾಪಕವಾಗಿ ಅಳವಡಿಸಿಕೊಳ್ಳುವಲ್ಲಿ ಇರುವ ಪ್ರಮುಖ ಸವಾಲುಗಳನ್ನು ಎದುರಿಸುವುದರ ಜೊತೆಗೆ ಇವಿಗಳ ಆರ್ಥಿಕ, ಪಾರಿಸರಿಕ ಮತ್ತು ಸಾಮಾಜಿಕ ಪ್ರಯೋಜನಗಳಿಗೆ ಸಂಬಂಧಿಸಿದಂತೆ ಸುಸ್ಥಿರ ಸಂಚಾರಕ್ಕೆ ಭಾರತ ಪರಿವರ್ತನೆಯಾಗುವುದಕ್ಕೆ ವ್ಯಾಖ್ಯಾನವನ್ನು ಬದಲಿಸುವ ಗುರಿಯನ್ನು ಕಾರ್ಯಕ್ರಮ ಹೊಂದಿದೆ.ಈ ಲ್ಯಾಂಡ್‌ಮಾರ್ಕ್ ಕಾರ್ಯಕ್ರಮವು ಪಾಲಿಸಿ ನಿರೂಪಕರು, ಉತ್ಪಾದಕರು, ಉದ್ಯಮದಲ್ಲಿ ಸುಸ್ಥಿರತೆಯನ್ನು ಪ್ರತಿಪಾದಿಸುವವರನ್ನು ಒಟ್ಟುಗೂಡಿಸಿದ್ದು,ದೇಶದಲ್ಲಿ ಭವಿಷ್ಯದ ಎಲೆಕ್ಟ್ರಿಕ್ ಸಂಚಾರಕ್ಕೆ ಕ್ರೋಢೀಕೃತ ರೂಪುರೇಷೆಯನ್ನು ಇದು ಚರ್ಚಿಸಿತು. ಕಳೆದ ಹಲವು ವರ್ಷಗಳಿಂದಲೂ ಗ್ರೀನ್ ಮೊಬಿಲಿಟಿ ವಲಯದಲ್ಲಿ ನಾವು ಅದ್ಭುತ ಪ್ರಸ್ತುತತೆಯನ್ನು ಸಾಧಿಸಿದ್ದೇವೆ. ದೇಶದ ಸುಸ್ಥಿರ ಭವಿಷ್ಯಕ್ಕಾಗಿ ನಮ್ಮ ಗೌರವಯುತ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ ಮಹತ್ವಾಕಾಂಕ್ಷಿ ಗುರಿಯು ಸರಿಯಾದ ದಾರಿಯಲ್ಲಿದೆ ಈ ಕಾರ್ಯಕ್ರಮದಲ್ಲಿ ಮಾತನಾಡಿದ ನಿತಿನ್ ಗಡ್ಕರಿ ಹೇಳಿದರು. ವಾಣಿಜ್ಯ ಮತ್ತು ಉದ್ಯಮ ಸಚಿವ ಪಿಯೂಷ್ ಗೋಯೆಲ್‌, ಕಾರ್ಯನಿರ್ವಹಣಾ ಅಧಿಕಾರಿ ಅವಿನಾಶ್ ಕೌಲ್ ಹಾಜರಿದ್ದರು.
