ನಾನು ನೀನು ಹೈಕಂಡದ್ ಆಣ್ಭಾಷಿ ತೀರ್ಮಾನ ಆಯ್ಕರೆ ಯಾವ್ ದೈದ್ ಮನಿಗ್ ಹೊಯ್ಕೋ ಗುತ್ತಿಲ್ಲ. ಆರೆ ಎಂತ ಮಾಡುದ್ ನೀ ಜಾಸ್ತಿ ಸಿಟ್ ಮಾಡುಕು ನನ್ನಾಣಿ ನೀ ನನ್ ಗೊಂಬಿ ತುಂಡ್ ಅಂತಿದ್ದಿದೆ. ನೀ ಸಿಟ್ಟಂಗೆ ದೂರ್ವಾಸ್ರ್ ಹತ್ರದ್ ಪೈಕಿ ನೀನ್. ಅಲ್ದಿರೆ ಹಬ್ಬದಗೆ ಬಳಿ ತ್ಯಾಗ್ಸಿ ಕೊಡ್ಲ ಅಂದೇಳಿ ತಿಂಗ್ಳನಾಗಟ್ಲೆ ಮಾತೇ ಆಡ್ಲಾ ನೀನ್. ನಿಂಗೆಂತ ಗೊತಿತ್ ನನ್ ಕಷ್ಟ ಮಾರಾಯ್ತಿ, ಹೆಣ್ಮಕ್ಕಳ್ ಅಂದ್ರೆ ನಾಚ್ಕಿ ಕೊಟ್ಟಿ ನಾನ್. ಊರ್ಮನಿ ಹಬ್ಬದಗೆ ನಿನ್ ಕೈ ಹಿಡ್ಕಂಡ್ ಗೆಂಚ್ ಹೈಕಂಡ್ ತಿರ್ಗುಕೆ ನಾಚ್ಕಿ ಆಪ್ದ್. ಆದ್ರೂ ಗೆಂಡದ್‌ಚೀಟಿ ತಕಂಬ್ಕೆ ಅಷ್ಟಪ ನುರ್ಕಂಗೆ ನಮ್ ಉಸ್ರ್ ಉಸ್ರ್ ತಾಂಗುವಷ್ಟ್ ಹತ್ರ ಇದ್ದಿತ್ ಯಬಾ ಬೆಂಕಿ ಕರ್ಕೊಳಿ ಮಾರಾಯ್ತಿ ನೀನ್. ನಾವಿಬ್ರ್ ಸಿಕ್ಕದ್ ಎಲ್ ಗೊತಿತಾ, ಆವತ್ ಅಜ್ಜಿ ಒಟ್ಟಿಗೆ ಸಂಧ್ಯಾ ಸುರಕ್ಷಾ ದುಡ್ ತೆಗು ಬತ್ತಿ ಬ್ಯಾಂಕಗೆ ಸಿಕ್ಕ್ ಅಂದಳಿಕೆ ಹೂಂ ಅಂಬ್ಕ್ ಅಂದಿದೆ ಆರೆ ಮುಖ ಕಾಂಬ್ಕೆ ಹೆದ್ರಿಕಿ ಆತಿದ್ದಿತ್. ಎದಿಯಗೆ ಎಂತು ಭತ್ತು ತೊಳ್ದಂಗ್ ಆತಿದ್ದಿತ್. ಅಷ್ಟ್ ದಿನ ಮೆಸೆಜೆನೋ ಮಾಡಿದೆ ಬಿಟ್ರೆ ಮೊದಾಲ್ ಮುಂಚೆ ಎದ್ರಿಗ್ ಸಿಕ್ಕಿ ಮುಖ ಕಾಂಬುದ್ ಹ್ಯಾಂಗೆ ಹೆಣೆ. ಶಾಲಿ ಪರೀಕ್ಷೆ ಮುಗ್ದ್ ಪೇಪರ್ ಕೊಡ್ವತಿಗ್ ಒಂತರಾ ಹೆದ್ರಿಕಿ ಆತಿಲ್ಯಾ ಹಾಂಗೆ ಅಂಗೈಯಂಗೆಲ್ಲ ಬೆವ್ರ್ ಬತ್ತಿದಿತ್ , ಪಾತ್ರಿಗಳ್ ಕಂಡಗೆ ಕಾಲೆಲ್ಲ ಗಡ ಗಡ ಅಂತಿದ್ದಿತ್. ಎದಿ ಪಿಟಿ ಪಿಟಿ ಅಂತಿದ್ದಿತ್. ಈ ಜಿರಾಪತಿ ಮಳಿ ಎಗಳಿಕ್ ಬಂದ್ರೂ ನಂಗ್ ಅದೇ ದಿನ ನೆನಪ್ ಆಪ್ದ್ . ಅದ್ ಅಸಾಡಿ ತಿಂಗ್ಳ್ ಮೂರ್ ಹ್ವಾಪತಿನ್ ದಿನ. ನಿನ್ ನೀಲಿ ಕಲರ್ ಚೂಡಿ ಪೂರ್ತಿ ಚಂಡಿ ಗೊಬ್ರ್ ಆಯ್ತ್, ಆ ನುಮ್ನಿ ಗಾಳಿಗೆ ಕ್ವಡಿ ಮೇಲೊಂದ್ ಸಲ ಕೆಳ್ಗೊಂದ್ ಸಲ ಉಸ್ರ್ ತಕಂತಿತ್‌. ಮಗಿನ್ ಚೆಂಚ್ಕಂಡಗೆ ಪಾಸ್ ಪುಸ್ತಕ ಹಿಡ್ಕಂಡ್ ಬತ್ತಿದ್ದಿದೆ ನೀನ್. ನಂಗ್ ಅನ್ಸದ್ದೂ ಹಾಂಗೆ ನನ್ ಮಗಿನ ಹೀಂಗೆ ಚೆಂಚ್ಕಂಬಳ್ ಆಯ್ಕ್ ನೀನ್ ಅಂದೇಳಿ.
ಈಗ ಹೇಳ್ರೆ ನಿಂಗ್ ಬ್ಯಾಜರ್ ಆಪ್ಕ್‌ ಸಾಕ್‌. ಅರೆ ನಿನ್ ಹುಟ್ದಬ್ಬದಿನ ನಮ್ ಬದಿ ಹೆಣ್ಣೊಂದ್ ನಿನ್ ಪಟು ಹಾಕಿತ್. ಅದ್ರಗೆ ಮಿಂಚುಳಕ್ಕಿ ಕಣ್ ಮಾತ್ರ ತೋರ್ತಾ ಇದ್ದಿತ್. ಕಾಂಬ್ವೋ ಯಾರ್ ಅಂದೇಳಿ ಹುಡ್ಕಿ ರಿಕ್ವೆಷ್ಟ್ ಕಳ್ಸದ್ ಮಾರಾಯ್ತಿ, ಆರೆ ಅದನ್ ನೀ ಕಂಡೂ ಕಾಣ್ದಿಪಳ್ ಕಂಡಂಗೆ ಒಂದ್ ವಾರ ಸುದ್ದಿ ಸಕಾರ ಇರ್ಲ್ ನಿಂದ್. ಗಾಳಕ್ ಕೆಪ್ಪಿ ಸುರ್ದ್ ಐರಮೀನ್ ಎಗಳಿಕೆ ಬೀಳತ್ ಅಂದೇಳಿ ಕಾಯ್ತ ಕೂಕಂಡಗೆ ಕಾಯ್ತಾ ಇದ್ದಿದೆ. ದೇವ್ರ್ ಕಣ್ ಬಿಟ್ಟಾ ನನ್ ನೋಟಿಪಿಕೇಶನ್ ಲೀಸ್ಟಗೆ ನಿನ್ ಹೆಸ್ರೂ ಬಂತ್, ನಿಮ್ ಮನಿ ರೇಶನ್ ಕಾರ್ಡಗೆ ನನ್ ಹೆಸ್ರ್ ಸೇರ್ಸು ಆಲೋಚನಿ ಶುರು ಆಯ್ತ್. ಅಂತೂ ಒಂದಿನ ನಾನೂ ಗಟ್ಟಿ ದೈರ್ಯ ಮಾಡಿ ನನ್ ಮಗಿಗ್ ಅಬ್ಬಿ ಆತ್ಯಾ ಕೆಂಡಿದಿ. ನೀನೂ ಆಲೋಚ್ನಿ ಮಾಡಿ ಹೂಂ ಹಾಕಿದೆ. ಆವತ್ತೆಂತೂ ಕೊಪ್ಪರ್ಗಿಯೇ ಸಿಕ್ತದಂಗ್ ಆಯ್ತ್ ನಂಗ್. ಇದೇ ಖುಷಿಯಗೆ ಮಗಿನ್ ನೆಕ್ಕಂಡ್ ಗೆಂಡ ತೊಳಿತೆ ಅಂದೇಳಿ ದೈದ್‌ಮನೆ ಹರ್ಕಿಯೂ ಹೇಳ್ಕಂಡಿದೆ. ನಾವ್ ಇದ್ದದ್ ಖುಷಿ ಆರೂ ಹ್ಯಾಂಗೆ ಕೂಳ್ ಮಡ್ಕಿ ಸಿಬ್ಲ್ ಚಟ್ಟಿ ಇದ್ದಂಗೆ. ದಿನಾ ಹೊತಾಪತಿಗೆ ಅಬ್ಬಿ ಹಾಲ್ ಕೊಡುಕ್ ಹ್ವಾಪದ್ನೆ ಕಾಂತ ಕೂಕಂಡ್ ಬಪ್ಪಲೊರಿಗೂ ಮಾತಾಡ್ತಿತ್‌ . ನಿನ್ ಮಟ್ಟಿ ಮೇಲೆ ಮಂಡಿ ಬೆಚ್ಕಂಡ್ ನಿನ್ ಕಣ್ಣೆ ಕಾಣ್ಕ್ ಅಂಬ್ ಆಸಿ ಇಬ್ರಿಗೂ ಇದ್ದಿತ್ . ಆರೆ ನೀ ಮನಿಂದ್ ಹೆರ್ಗ್ ಹೊಯಟ್ರೆ ಚೆಂದ್ ಗ್ವಾಪಿ ನಿಂಗ್ ಎಲ್ ಅಂಜೊಳ್ಕಿ ಮೈಪಟ್ಕಂತತ್ತೋ ಎಂಬ ಹೆದ್ರಿಕಿಯಗೆ, ಎಲ್ ಹ್ವಾರೂ ಆ ಯಟ್ಟಿ ಹೆಣ್ಣಿನೊಂದ್ ಜೋಡ್ ನಿಂಗೆ. ಎರು ಗೂಡ್ ಕಟ್ಟದಂಗ್ ನಾವ್ ಮನ್ಸ್ ಕಟ್ಟದ್, ಕನ್ಸ್ ಕಟ್ಟದ್. ಸುಳ್ ಹೇಳಿ ಕೊಡಿ ಹಬ್ಬಕ್ ಹ್ವಾದ್ ಹೌದ್ ನಿನ್ ಅಪ್ಪಯ್ಯ ಅಲ್ಲಿಗ್ ಬತ್ರ್ ಅಂದೇಳಿ ನಮ್ಗಾರೂ ಎಲ್ ಕನ್ಸ್ ಬೀಳತ್ ಹೇಳ್. ಎಲ್ಲಾ ಚೆಂದ ಗ್ವಾಂಪಿಯಗೆ ಇದ್ದಿತ್ ಆರೆ ಆವತ್ತೊಂದಿನ ನಾನ್ ಮೆಸೆಜ್ ಮಾಡುದ್ ಲೇಟ್ ಆಯ್ತ್ ಅಂದೇಳಿ ನೀನ್ ಹೀಂಗೆಲ್ಲ ಮಾಡ್ಲಕ್ಕಾ . ನಮ್ಮನಿಯಗೆ ದೊಡ್ ಗೆದ್ದಿ ನೆಟ್ಟಿ. ಅಪ್ಪಯ್ಯ ಹೋರಿ ಕಟ್ಕಂಡ್ ಹೂಡ್ತಿದ್ರ್ . ಅದ್ನೆಲ್ಲ ಬಿಟ್ಟಿಕಿ ನಿಂಗ್ ಮೆಸೆಜ್ ಮಾಡಿರೆ ಗುರ್ಬ್ ಹೈಕಂಡ್ ಹೆಂಗಸ್ರೆಲ್ಲ ನನ್ ಮಂಡಿಗ್ ಬೆಂಕಿ ಹಾಕುದಿಲ್ಯಾ. ಅದೆ ಸಿಟ್ಟಿಗೆ ಗಣು ಆಳ್ದರ್ ಕಂಡಂಗೆ ಇಕ್ಳಿಪದ್ ಯಾಸ ಮಾಡ್ದೆ ನೀನ್. ಅಪ್ಪಯ್ಯನಿಗೆ ಈ ವಿಷ್ಯ ಗುತಾಯಿ ಪೋನ್ ಕಸ್ಕಂಡ್ರ್. ಆವತ್ತ್ ನಂಗೊಂದ್ ಗಾಮನ್ ಬೂತು ಬಂದ್ ಮರ್ಲ್ ಹಿಡದಂಗ್ ಅಯ್ತ್. ಉಂಬ್ಕೂ ಬ್ಯಾಡ ತಿಂಬ್ಕೂ ಬ್ಯಾಡ, ಅಕೇರಿಯಗೂ ಬತ್ತಿ ಹೊಯ್ದಿದ್ ಭಾಮಿ ಕಂಡಂಗೆ ದಿನಾ ಮರ್ಕತಿದ್ದದ್ ಆ ಗ್ವಾಡಿ ಕಂಡಿತ್. ನೀನೆ ಕಲ್ ಆಯಿದೆ ಇನ್ ಆ ಕಲ್ಲಿನ್ ಗ್ವಾಡಿ ಮಾತಾಡತ್ತಾ. ಪುಸ್ತಕ ಮಾರುವರ್ ಹೇಳಿಯಗೆ ದೊಡ್ ಬ್ಯಾಗ್ ಹೊಗ್ಲ್ ಹೈಕಂಡ್ ನಿಮ್ ಮನಿ ಮುಂದೆ ಮೂರ್ ಮೂರ್ ಸಲ ಬಂದಿದೆ ಗೊತಿತಾ. ನೀನೆ ನನ್ ಹೆಂಡ್ತಿ ಆಪಳ್ ಅಂದೇಳಿ ನಂದೂ ನಿಂದೂ ಹೆಸ್ರಗೆ ಒಂದ್ ಆಟು ಬುಕ್ ಮಾಡದ್ ನಿಂಗೂ ಗೊತಿತ್. ಎದಿ ಬಗ್ದ್ ತೋರ್ಸುಕ್ ಎಡಿಯಾ ಮೊಬೈಲ್ ಬಗ್ದ್ರೆ ನಿಂದೆ ಪಟು ಅಷ್ಟೆಲ್ಲ ಹಚ್ಕಂಡನ್ ನಿನ್ನನ್ ಮರುದಾರು ಹ್ಯಾಂಗ್ ನಾನ್ ಹೇಳ್. ನಿನ್ ನೆನಪ್ ನನ್ ಮನ್ಸಗೆ ಅಚ್ಚೊತಿತ್. ಅಟ್ಲಕಾಯಿ ಹಾಕಿ ತೋಳದ್ರ್ ಕೂಡ್ಲೆ ಹ್ವಾಪದ್ ಅಲ್ಲಾ ಅದ್. ಸ್ವಾಣಿ ಆರ್ತಿಗೆ ಎದ್ರಿಗ್ ಬಂದಳ್ ಕಂಡೂ ಕಾಣ್ದೆ ಹ್ವಾದೆ ನೀನ್. ಆದ್ದೆಲ್ಲ ಆಯ್ತ್ ನಾವ್ ನಾವ್ ಯಾಜು ಮಾಡ್ಕಂಬ್ಕ್ ಆಗ ಅಂದೇಳಿ ಎಷ್ಟ್ ಸಲ ಬಡ್ಕಂಡ್ ಬಡ್ಕಂಡ್ ಹೇಳ್ದೆ. ನೆಲ್ ನೋಗ ಹೊಗ್ಲ್ ಹೈಕಂಡ್ ಹೊರ್ಟಂಗೆ ಹರ್ಮೈಕ ಜಾಪ್ ಹೊಗ್ಲ್ ಹೈಕಂಡ್ ಸಿಟ್ಟಿನ್ ಮುಂಗ್ರಿ ನೀ ಹ್ವಾತೆ ಐಕಂಡೆ. ಕಡಿಕೊಂದ್ ಗಟ್ಟಿ ದೈರ್ಯ ಮಾಡಿ ಅಪ್ಪಯ್ಯನಿಗೆ ಗಂಡಿನ ಹುಂಡಿ ಬಂದರೊಟ್ಟಿಗೆ ಸುದ್ದಿ ಹೇಳ್ಸ್ದೆ . ಆ ದೊಣ್ಣಿ ಹೊತ್ತನ್ ಆಶೀರ್ವಾದ ಅಪ್ಪಯ್ಯ ಒಪ್ರ್‌. ಅಂಗೈಯಗೆ ಪ್ರಪಂಚ ಸಿಕ್ಕೂ ಈ ಮೊಬೈಲ್ ಇಪ್ಕೋಯಿ ಅಲ್ದಾ ನನ್ ಪ್ರಪಂಚ ನೀ ಸಿಕ್ಕದ್ದ್‌.
ಆಮೇಲೆ ನಿನನ್ನ್ ಒಪ್ಸುದ್ ಕಷ್ಟ ಆಯಿಲ್ಲ ನಂಗ್. ಎಷ್ಟಾರು ಮಿಡ್ಕಾಣಿ ದುಗ್ಗಿ . ಇವತ್ ನನ್ ಮಗಿನ್ ಅಬ್ಬಿ ನೀನ್. ಎಣ್ಸದಂಗೆ ಎಲ್ಲಾ ಆಯ್ತ್. ನಿ ಸಿಕ್ಲಿ ಅಂದೆಳಿ ಹೇಳದ್ ಹರ್ಕಿಯೆಲ್ಲ ತೀರ್ತಾ ಬಂತ್ ಈಗ. ನಾಳಿಗಂದ್ರ್ ನಾವ್ ಮದಿ ಆಯಿ ಎರಡ್ ವರ್ಷ ಆತ್. ಹಳ್ತೆಲ್ಲ ನೆನಪ್ ಮಾಡ್ಕಂಡ್ ಬರ್ದ್ ಇಟ್ಟಿದೆ, ಬೆಳಿಗ್ಗೆ ಬೇಗ್ ಎದ್ದಳೆ ಓದ್ ಇದ್‌. ಲವ್ ಯೂ ಹೆಣೆ.
ಬರದ್ : ನಾಗರಾಜ್ ಶೆಟ್ಟಿ ನೈಕಂಬ್ಳಿ
ಬಾರಿ ಚಂದ ಬರ್ದಿರಿ..