ಗಂಗೊಳ್ಳಿ: ಕೆನರಾ ಬ್ಯಾಂಕ್ ಸಿಬ್ಬಂದಿ ಜಾರ್ಜ್ ಫರ್ನಾಂಡೀಸ್ ಸೇವಾ ನಿವೃತ್ತಿ- ಸನ್ಮಾನ

ಗಂಗೊಳ್ಳಿ(ಜು,01): ಇಲ್ಲಿನ ಕೆನರಾ ಬ್ಯಾಂಕ್ ಶಾಖೆಯ ಸಿಬ್ಬಂದಿ ಜಾರ್ಜ್ ಫರ್ನಾಂಡೀಸ್ ರವರು ಸೇವಾ ನಿವ್ರತ್ತಿ ಹೊಂದಿದ್ದಾರೆ. 1983 ರಲ್ಲಿ ಗಂಗೊಳ್ಳಿಯ ಕೆನರಾ ಬ್ಯಾಂಕ್ ನಲ್ಲಿ‌ ವತ್ತಿ‌‌ ಜೀವನ‌ ಆರಂಭಿಸಿದ‌‌ ಇವರು ‌ನಂತರದ ದಿನಗಳಲ್ಲಿ ಮಂಗಳೂರು ಮಹಾ‌ ನಗರದ ವಿವಿಧ ಶಾಖೆಗಳಲ್ಲಿ ಸೇವೆ ಸಲ್ಲಿಸುವುದರ ಜೊತೆಗೆ ಉಪ್ಪುಂದದ ಶಾಖೆಯಲ್ಲಿಯೂ ಕೆಲಸ‌ ನಿರ್ವಹಿಸಿ ನಂತರ ವರ್ಗಾವಣೆಗೊಂಡು ಮೂರು ವರ್ಷಗಳಿಂದ ಗಂಗೊಳ್ಳಿ‌ ಶಾಖೆಯಲ್ಲಿ ಸೇವೆ ಸಲ್ಲಿಸಿ ನಿವ್ರತ್ತಿ‌ ಹೊಂದಿದ್ದಾರೆ.

ಈ ಸನ್ಮಾನ ಕಾರ್ಯಕ್ರಮದಲ್ಲಿ ಗಂಗೊಳ್ಳಿ‌ಯ ಖ್ಯಾತ ಉದ್ಯಮಿ,ಶಿಕ್ಷಣ ಪ್ರೇಮಿ ಗಣೇಶ್ ಕಾಮತ್ ,ಉದ್ಯಮಿ ವೆಂಕಟೇಶ ನಾಯಕ್ ,ಗ್ರಾಮ‌ ಪಂಚಾಯತ್ ಅಧ್ಯಕ್ಷ ಶ್ರೀನಿವಾಸ ಖಾರ್ವಿ, ಕೆನರಾ ಬ್ಯಾಂಕ್ ಗಂಗೊಳ್ಳಿ ಶಾಖೆಯ ಮ್ಯಾನೇಜರ್ ಸಂತೋಷ ಹಾಗೂ ಶಾಖೆಯ ಸಿಬ್ಬಂದಿಗಳು ಉಪಸ್ಥಿತರಿದ್ದು ಜಾರ್ಜ್ ಫರ್ನಾಂಡೀಸ್ ರವರ ನಿವೃತ್ತಿ ಬದುಕಿಗೆ ಶುಭ ಹಾರೈಸಿದರು.ವಿಕ್ರಮ ಕಾರ್ಯಕ್ರಮ ನಿರೂಪಿಸಿದರು.