ಮೂರ ಗಂಟಿಯಿಂದ ಕಾದ್ ಕಾದ್ ಸಾಕಾಯ್ತ್.. ಇವತ್ ಬತ್ರೊ ಇಲ್ಯೊ…..?? 5 ಗಂಟಿ ಬಸ್ಸಿಗಾರು ಬಂದಿರ್ ಸಾಕಿದ್ದಿತ್. ಹೋ….ಹೆಳ್ತಾ ಹೆಳ್ತಾ ಇಪ್ಪತಿಗೆ ಬಂದ್ರಲಾ…ಬನಿ ಬನಿ ನೀರ್ ಕೊಡುದಾ…..?? ಕೆಂಡೆ!
ಬ್ಯಾಡಾ ಮಗ ನೀರ್ ಬ್ಯಾಡಾ ಅಂದ್ರ.
ಅಮ್ಮಾ……..ಅಂದೆಳಿ ಅಮ್ಮನ್ ಕರು ಹೆಳಿ ಮೆಲ್ ಒಲು೯ಕ್ ಸುರು ಮಾಡ್ದೆ. ಆರೆ ನನ್ ಸ್ವರು ಮಾತ್ರ ಅಮ್ಮ ಇದ್ ಬದ್ಯಗ್ ಹೊಯ್ತ…. ನನ್ ಕಣ್ ಮಾತ್ರ ಅಜ್ಜಿ ತಂದ್ ಬೀಣಿ ಚೀಲದ್ ಮೆಲಿತ್. ಅದ್ರಾಗು ನಾನಂತು ಅಜ್ಜಿ ಬುಡ್ದಂಗೆ ಕುಕಂಡೆ ಎಂತಾಕ್ ಅಂದ್ರೆ ಅಕ್ಕ ಎಲ್ಲಾರು ಅವ್ರ್ ಬುಡ್ದಂಗೆ ಕುಕಂಡ್ರೆ ಯಾಪಾರ ಹೆಸ್ಕಿ ಆತ್. ಎಂತಕಂದ್ರೆ ಅಜ್ಜಿ ಏಗಳಿಕೂ ಬಪ್ಪತಿಕು ಶೆಟ್ರ ಅಂಗಡಿಂದ್ ಒಂದ್ ಪಟ್ನ ಚೌ-ಚೌ ತಕಾ ಬತ್ರ. ಅವ್ರ ತಂದ್ ಚೌ-ಚೌ ಪಟ್ನ ಅಕ್ನಿಗ್ ಕೊಟ್ತ್ರ ಅಂದೆಳಿ ಅವ್ರ್ ಬುಡ್ದಂಗೆ ಕುಕಂಡಿದೆ
ನಾನ್ ಒಲ್೯ದ್ ಗಾಟಿಗ್ ಗೈೂಬಿಂಜ ಹೆಕ್ತಿದ್ ಅಮ್ಮ ಹಾಂಗೆ ಓಡ್ ಬಂದಿದಳ್. ಬನ್ಕಾ “ಎಂತಾ ಗಡಾ ಆನೂಮನಿ ಒಲ್೯ದ್ ಎಂತಾಕೆ …..??” ಅಂದಾಳ್ ಮತ್ತು ಬೈತಿದ್ದಳ್.. ಚೌಡಿಯಂಗ್ ಕೂತ ಅಜ್ಜಿನ್ ಕಂಡ್ ಸುಮ್ನಾನಾದಳ್… ಇದೆಲ್ಲಾ ಆರು ನನ್ ಕಣ್ ಬ್ಯಾಳಿ ಅಜ್ಜಿ ಬೀಣಿ ಚೀಲದ್ ಮೆಲಿತ್. ಅಜ್ಜಿ ನೆನ್ಪ ಹೊಯ್ ಚೌ-ಚೌ ಕೊಡ್ಲೆ ಇಲ್ಲ..
ಅಮ್ಮ ಚಾ ಮಾಡುಕ್ ಒಳಗ್ ಹೊದಳ್, ನಾನ್ ಪ್ಯಾರ್ಲಿ ಕಾಯ್ ಕೊಯುಕ್ ಹ್ವಾದೆ. ಚಾ ಮಾಡ್ಕಾ ಅಮ್ಮ ಕರ್ದಾಳ್ ಅಷ್ಟ್ ಹೊತ್ತಿಗ್ “ಹ್ವಾ.. ಮಕ್ಕಳಿಗ್ ಅಂದೆಳಿ ಚೌ- ಚೌ ತಂದಿದೆ ಕೊಡುಕ್ ಹಂಬ್ಲ ಹೊಯ್ತ್ “. ಈ ಸ್ವರು ಕೆಂಡ್ “ಭೂತಕ್ ಅನ್ನೀರ್ ಇಲ್ದೆ ಇಪ್ಪತಿಗೆ ದೈ ಭೂತಕ್ ಅನ್ನೀರ್ ಹಾಕಿ ಅಂದಳಿಕ್ ಭೂತಕ್ ಎಷ್ಟ್ ಖುಷಿ ಆಗತ್ ನಂಗು ಹಾಂಗೆ ಆಯ್ತ್”. ಅದೆ ಖುಷಿಂಗ್ ಅಜ್ಜಿ ಹೆಸ್ರಲ್ ಒಂದ್ ಕೋಳಿ ತಾಳ್ಲ್ ಆಯ್ತ್. ಸಮಾ ಹೋಟ್ಟಿ ಬೀರಿ ಉಣ್ಕ ಅಜ್ಜಿ ಬುಡ್ದಂಗೆ ಮನಿಕಂಡೆ….
ಬೆಳ್ಮುಂಚ್ ಎದ್ಕಾ ಕಾಂಬತಿಗೆ ತೆಳ್ಳಿಂದ್ ದ್ವಾಸಿ ಘಮ-ಘಮ ಪರಿಮಳ ಬತ್ತಿತ್. ಹಲ್ ತಿಕ್ಕಕ್ಕಿದ್ರ ಮೊದ್ಲೆ ತಿಂಬಾ ಅಂಬಾಗ್ ಇತ್. ಎಂತಾಕಂದ್ರೆ ನಮ್ಮ ಕು೦ದಾಪ್ರದ್ ಪೆಷಲ್ ಇದೆ … ಕೋಳಿ ತಾಳ್ಲ್ ತೆಳ್ಳಿಂದ್ ದ್ವಾಸಿ…ಅಲ್ದಾ…?? ಅದಕ್ಕೆ…ಪಟಾ- ಪಟಾ ಹಲ್ ತಿಕ್ಕಾ ದೇವ್ರಿಗ್ ಇಷ್ಟ್ ಮಣ-ಮಣ ಮಂತ್ರ ಹೇಳಿ ಬಂದೆ. ಕೋಳಿ ತಾಳ್ಲ್ ಹೈಕಾ ತಿನ್ಕಾ ಅಜ್ಜಿ ಜೊತಿಗ್ ಸೊಕ್ಕುಕ್ ಸುರು ಮಾಡ್ತ್ ನಾನು, ಅಕ್ಕ.
ದೇವ್ರ ಹತ್ರಾ “ಅಜ್ಜಿ ದಿನಾ ಬರ್ಲಿ ಅಂತಾ ಕೆಂಡೆ” ಎಂತಾಕಂದ್ರೆ ಕೋಳಿ ತಾಳ್ಲ, ತೆಳ್ಳಿಂದ್ ದ್ವಾಸಿಗ್….
ಆರೆ ನಿನ್ನಿನ್ ಅಷ್ಟ್ ಗೆಲು ಇವತ್ ಇಲ್ಲಾ. ಅಜ್ಜಿ ಮನಿಗ್ ಹ್ವಾತೆ . ನನ್ನ್ ಗಂಟಿ ಎಂತಾ ಮಾಡ್ತ್ವೊ , ಕೋಳಿಗ್ ಮೆವ್ ಹಾಕಿರೊ ಇಲ್ದೊ ಅಂತ ಮನಿಗ್ ಹ್ವಾಪುಕ್ ಎದ್ದಿರ್. ಹ್ವಾಪತಿಗ್ ಅಜ್ಜಿ ದುಡ್ ಕೊಡುಕ್ ಬಂದ್ರ್. ಅಮ್ಮ ತಕಂಡ್ರ ನಿನ್ ಕೈ ಮುರಿತೆ ಅಂಬು ರೀತಿಯಂಗ್ ಕಣ್ ಸನ್ನಿ ಮಾಡ್ದಳ್. ಆರು ಅಡ್ಡಿಲ್ಲ ಮ್ಯಾಂಗೋ ಚ್ವಾಕಲೆಟ್ ತಿಂಬುಕ್ ಆತ್ ಅಂದೆಳಿ ತಕಂಡೆ.
ಅಕ್ ಅಂದಳಿ ಅವ್ರನ್ ಬಸ್ಸ್ ಹಸ್ಸು೯ಕ್ ಅಕ್ಕ ಹ್ವಾಪುಕ್ ರೆಡಿ ಆದಳ್. ಅವ್ಳುಟ್ಟಿಗ್ ನಾನು ಹ್ವಾತೆ ಅಂದೆಳಿ ಚಣ್ ಸ್ವರ್ದಲ್ ಕೂಗ್ದೆ. ಆದ್ರೆ ಅಮ್ಮ ಬಿಡ್ಲಾ. ನನ್ ಮನ್ಸಸ್ಸಂಗೆ ನಾನ್ ಮಕ೯ರ್ ಕೂಡ್ಲೆ ಬಿಡ್ತಳ್ ಅಂದೆಳಿ ಹಳ್ಳೊ-ಬುಳ್ಳೊ ಮಕ೯ದೆ. ಅದ್ರ ಮೇಲ್ ನಾಕ್ ಬಡ್ಗಿ ಕೊಟ್ಟ್ ಕುರ್ಸದಳ್. ಅದೆ ಸಿಟ್ಟಗ್ ಹೊಯ್ ಹಾಸಿ ಚಂಪಿ ಹೈಕಾ ಮನಿಕಂಡೆ. ಕಾಡಿಕ್ ಎದ್ಕ ಕಾಂಬತಿಗ್ ಅಜ್ಜಿ ವಾಪಸ್ ಬಂದಿರ್. ಎಂತಾಕಂದ್ರೆ ಅವ್ರಿಗ್ ಬಸ್ಸ್ ತಪ್ಪಿ ಹೊಯ್ತ್ ಅಂಬ್ರ. ಅದಕ್ಕೆ ಅಮ್ಮನಿಗ್ ಬಾಯಿ ನೆನ್ಸಿ ಆಚಿ ಮನಿ ಮಕ್ಕಳುಟ್ಟಿಗ್ ಆಡುಕ್ ಹ್ವಾದೆ……
✍ ಸ್ವಸ್ತಿಕ್ ಚಿತ್ತೂರು.
Nice maga