ಮುಳ್ಳಿಕಟ್ಟೆ(ಜ.8): ಮುಳ್ಳಿಕಟ್ಟೆ ಸಮೀಪ ಹೊಸಾಡು ಗ್ರಾಮದ ನಿವಾಸಿಯಾದ ಸುಶೀಲಾ ಪೂಜಾರ್ತಿಯವರಿಗೆ ಶ್ರೀ ವರಲಕ್ಷ್ಮೀ ಚಾರಿಟೇಬಲ್ ಟ್ರಸ್ಟ್(ರಿ) ಉಪ್ಪುಂದ ವತಿಯಿಂದ ನೂತನ ಮನೆಯನ್ನು ಆಶ್ರಯದಾತ,ಯುವ ಉದ್ಯಮಿ ಡಾ.ಗೋವಿಂದ ಬಾಬು ಪೂಜಾರಿಯವರು ಜ.7ರಂದು ಹಸ್ತಾಂತರಿಸಿದರು.
ಡಾ .ಗೋವಿಂದಬಾಬು ಪೂಜಾರಿಯವರ ಪೂರ್ಣ ವೆಚ್ಚದಲ್ಲಿ ನಿರ್ಮಿಸಿಕೊಟ್ಟ ಆರನೇ ಮನೆ ಇದಾಗಿದ್ದು, ಕನ್ಯಾಡಿ ಶ್ರೀ ರಾಮಕ್ಷೇತ್ರದ ಶ್ರೀ ಶ್ರೀ ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿಯವರು ನೂತನ ಮನೆ ಗೃಹಪ್ರವೇಶ ಉದ್ಘಾಟನೆ ನೆರವೇರಿಸಿ ಆಶೀರ್ವಚಿಸಿದರು.
ಸುಶೀಲಾ ಪೂಜಾರ್ತಿಯವರ ಪತಿ ಕೆಲ ವರ್ಷಗಳ ಹಿಂದೆ ಸಾವನ್ನಪ್ಪಿದ್ದರು. ಸುಶೀಲರವರು ತನ್ನ ಒರ್ವ ಗಂಡು ಮಗು ಹಾಗೂ ತಾಯಿಯ ಜೊತೆಗೆ ಸಂಪೂರ್ಣ ಶಿಥಿಲ ವ್ಯವಸ್ಥೆಯ ಗುಡಿಸಲಿನಲ್ಲಿ ಜೀವನ ನಡೆಸುತ್ತಿದ್ದರು.ಇವರ ಅಸಹಾಯಕತೆಯ ಬದುಕನ್ನು ತಿಳಿದು ಸ್ಥಳೀಯರಾದ ಮುಳ್ಳಿಕಟ್ಟೆ ಪ್ರದೀಪ್ ಬಿಲ್ಲವರವರು ಡಾ. ಗೋವಿಂದ ಬಾಬು ಪೂಜಾರಿಯವರ ಗಮನಕ್ಕೆ ತಂದರು.ಇದಕ್ಕೆ ಮಾನವೀಯ ನೆಲೆಯಲ್ಲಿ ಡಾ.ಗೋವಿಂದ ಬಾಬು ಪೂಜಾರಿಯವರು ಸ್ಪಂದಿಸಿದ್ದಾರೆ.
ನೂತನ ಗ್ರಹ ಪ್ರವೇಶದ ಸಂದರ್ಭದಲ್ಲಿ ಡಾ. ಗೋವಿಂದ ಬಾಬು ಪೂಜಾರಿ ದಂಪತಿಗೆ “ಅಂಬಾ ಫ್ರೆಂಡ್ಸ್” ಮುಳ್ಳಿಕಟ್ಟೆ ವತಿಯಿಂದ ಸನ್ಮಾನಿಸಲಾಯಿತು.
ಗೋವಿಂದ ಬಾಬು ಪೂಜಾರಿಯವರ ತಂದೆ-ತಾಯಿ, ಕುಟುಂಬದ ಸದಸ್ಯರು, ಬಿಲ್ಲವ ಮುಖಂಡರು, ಅಂಬಾ ಫ್ರೆಂಡ್ಸ್ ಮುಳ್ಳಿಕಟ್ಟೆ ಪದಾಧಿಕಾರಿಗಳು, ಗ್ರಾಮಸ್ಥರು, ಹಾಗೂ ಡಾ। ಗೋವಿಂದ ಬಾಬು ಪೂಜಾರಿಯವರ ಅಭಿಮಾನಿಗಳು ಉಪಸ್ಥಿತರಿದ್ದರು.
ವರದಿ : ಈಶ್ವರ್ ಸಿ ನಾವುoದ
