ಉಡುಪಿ( ಅ,18): ಎಂ.ಜಿ.ಎಂ. ಕಾಲೇಜಿನಲ್ಲಿ ‘ಏಕ್ ದಿನ್ ಎನ್.ಸಿ.ಸಿ ಆರ್ಮಿ ಕೆ ನಾಮ್’ ಕಾರ್ಯಕ್ರಮ ಇತ್ತೀಚೆಗೆ ಗೀತಾಂಜಲಿ ಸಭಾಂಗಣದಲ್ಲಿ ನಡೆಯಿತು.
ಎಂ.ಐ.ಟಿ, ಮಾಹೆಯ ಲೈಪ್ಟಿನ್ಂಟ್ ಕಮಾಂಡರ್ ಗೀತಾಲಕ್ಷ್ಮೀ ಪಿ.ಎಂ. ಮಾತನಾಡಿ ಎನ್.ಸಿ.ಸಿ.ಯು ವಿದ್ಯಾರ್ಥಿಗಳಿಗೆ ಶಿಸ್ತುಬದ್ಧ ಜೀವನವನ್ನು ನಡೆಸಲು, ನಾಯಕತ್ವವನ್ನು ಬೆಳೆಸಲು ಹಾಗೂ ಪ್ರತಿಭೆಯನ್ನು ಪ್ರದರ್ಶಿಸಲು ಇರುವ ಒಂದು ಅತ್ಯುತ್ತಮ ವೇದಿಕೆ ಎಂದು ಹೇಳಿದರು. ಕೆಡೆಟ್ ಹಾಗೂ ಕೆಡೆಟ್‌ಗಳ ಪೋಷಕರನ್ನು ಅಭಿನಂದಿಸಿ ಇನ್ನೂ ಅತ್ಯುತ್ತಮ ಸಾಧನೆ ಮಾಡಿ ಎಂದು ಹುರಿದುಂಬಿಸಿದರು.
ಎಂ.ಜಿ.ಎಂ. ಕಾಲೇಜಿನ ಪ್ರಾಂಶುಪಾಲ ಪ್ರೊ.ಲಕ್ಷ್ಮೀನಾರಾಯಣ ಕಾರಂತ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಕಾಲೇಜಿನ ಎನ್.ಸಿ.ಸಿ. ಆರ್ಮಿವಿಂಗ್ ಅಧಿಕಾರಿ ಲೈಪ್ಟಿನೆಂಟ್ ನವ್ಯ, 21 ಕರ್ನಾಟಕ ಬೆಟಾಲಿಯನ್ ಎನ್.ಸಿ.ಸಿ.ಯ ಸುಬೇದಾರ್ ಪ್ರಕಾಶ್ಚಂದ್ರ ಹಾಗೂ ಹವಾಲ್ದಾರ್ ಭೀಮಾಲ್, ಎನ್.ಸಿ.ಸಿ ಹಾಲಿ, ಮಾಜಿ ಕೆಡೆಟ್‌ಗಳು, ಕೆಡೆಟ್‌ಗಳ ಪೋಷಕರು, ಉಪನ್ಯಾಸಕರು ಉಪಸ್ಥಿತರಿದ್ದರು. ಕೆಡೆಟ್ ಎಸ್‌ಯುಒ ಸಾಕ್ಷೀ ಎಲ್. ಕರ್ಕೇರ ಸ್ವಾಗತಿಸಿ, ಸಾರ್ಜೆಂಟ್ ರೆನಿಟಾ ವಂದಿಸಿದರು.ಕೆಡೆಟ್ ದೀಪಾಲಿ ಭಟ್, ಶ್ರೀನಿಧಿ ನಿರೂಪಿಸಿದರು.
