ಭಾಗಮಂಡಲ(ಸೆ,16): ಭಾಗಮಂಡಲ ಹೃದಯಭಾಗದಲ್ಲಿ ಮೇಲ್ಸೇತುವೆಯ ಕೆಲಸಗಳು ನಡೆಯುತ್ತಿದ್ದು ,ಮಳೆಗಾಲ ಪ್ರಾರಂಭವಾದ ಜೂನ್ ತಿಂಗಳಿನಿಂದ ಕೆಲಸ ನಿಂತಿರುತ್ತದೆ. ಭಾಗಮಂಡಲ ಪೇಟೆಯಲ್ಲಿ ವಾಹನ ಸಂಚಾರಕ್ಕೆ ಅಡಚಣೆಯಾಗುತ್ತುದ್ದು, ಜನರಿಗೆ ಒಂದು ಕಿಲೋಮೀಟರ್ ನಷ್ಟು ದೂರ ನಡೆಯಲು ಕಷ್ಟವಾಗುತ್ತಿದೆ. ಪೇಟೆಯ ರಸ್ತೆಯಲ್ಲಿ ದೊಡ್ಡ ದೊಡ್ಡ ಗುಂಡಿಗಳು ಸ್ರಷ್ಠಿಯಾಗಿದ್ದು ತುಂಬಾ ಕೆಸರುಮಯವಾಗಿದೆ, ಜನರು ಪೇಟೆಯಲ್ಲಿ ನಡೆಯಲು ಪರ್ಯಾಯ ರಸ್ತೆಯಿಲ್ಲದ ಕಾರಣ ಹೆಂಗಸರು ಮಕ್ಕಳು ಕೆಸರು ಗುಂಡಿಯಲ್ಲಿಯೆ ನಡೆದಾಡುವಂತಹ ಪರಿಸ್ಥಿತಿ ಭಾಗಮಂಡಲದಲ್ಲಿ ಎದ್ದುಕಾಣುತ್ತಿದೆ.
ಸಂಬಂಧಪಟ್ಟವರಿಗೆ ಹಲವು ಬಾರಿ ಮನವಿ ಮಾಡಿಕೊಂಡರೂ ಈ ತನಕ ಏನು ಪ್ರಯೋಜನವಾಗಿಲ್ಲ ಆದ್ದರಿಂದ ಸಂಬಂಧಪಟ್ಟ ಇಲಾಖೆಯವರು ಇತ್ತ ಭಾಗಮಂಡಲ ಪೇಟೆಯ ಕಡೆಗೆ ಗಮನ ಹರಿಸಿ ಇಲ್ಲಿ ಜನರಿಗೆ ನಡೆದಾಡಲು ಆಟೋರಿಕ್ಷಾ ಹಾಗೂ ಸ್ಥಳೀಯರ ವಾಹನಗಳು ಓಡಾಡಲು 2-3 ದಿನಗಳ ಒಳಗೆ ಗುಂಡಿಯನ್ನು ಮುಚ್ಚಿ ಸರಿಪಡಿಸದಿದ್ದಲ್ಲಿ ಸಪ್ಟೆಂಬರ್,20 ರ ಸೋಮವಾರದ ಭಾಗಮಂಡಲ ಪೇಟೆಯಲ್ಲಿ ಅಂಗಡಿ ಮುಂಗಟ್ಟುಗಳನ್ನು ಮುಚ್ಚಿ ಗಾಡಿಗಳನ್ನು ನಿಲ್ಲಿಸಿ ಪ್ರತಿಭಟಿಸುತ್ತೇವೆ ಎಂದು ಕಾವೇರಿ ಆಟೋ ಚಾಲಕರು ಹಾಗೂ ಮಾಲೀಕರ ಸಂಘ ಹಾಗೂ ಭಾಗಮಂಡಲದ ಸಾರ್ವಜನಿಕರು ತಿಳಿಸಿದ್ದಾರೆ.
