Category: ಚಿತ್ರಗವನ

ಹುಟ್ಟು #ಏನೇ_ಹೇಳಿ, ಹುಟ್ಟು(ವ) ಗುಣ ಸುಟ್ಟರೂ ಹೋಗದು… ಹುಟ್ಟುತ್ತಲೇ ಇರುವೆ. ನಿಸ್ತೇಜಿತ ನೆಲದೊಳು ಉತ್ತೇಜಿತ ಚಿಗುರು ….♥

ಪ್ರ‘ಬುದ್ಧ‘ #ಏನೇ_ಹೇಳಿ, ಮೇಲೇರಿದ ಮೆಟ್ಟಿಲುಗಳ ಮರೆಯದಿರುವವನೇ ಪ್ರ’ಬುದ್ಧ’….

ಭಾರತಾಂಬೆ ಸಸ್ಯ ಶ್ಯಾಮಲೆ ಭಾರತಾಂಬೆಯ ಆ ಭವ್ಯ ಬಿಂಬ ತುಂಬಿಕೊಂಡ ತನಯರೆದೆಯರ ಗುಡಿಯ ತುಂಬ ಸುತ್ತಲಿನ ಸಕಲ ಸಂಗತಿಯೊಳು ಕಾಣುವುದು ತಾಯಿಯ ಆ ದಿವ್ಯ ಪ್ರತಿಬಿಂಬ #ಏನೇ_ಹೇಳಿ, ಎಮಗಿಹುದೆಂದೆಂದಿಗೂ ಒಂದೇ ತಾಯೇ…, ತಾಯಿ ಭಾರತಿಯ ತನುಜರೆಂಬ “ಅಭಿಮಾನದ ಜಂಭ”. #ಭಾರತ್ಮಾತಾಕಿ_ಜೈ …..🇮🇳

ಭಾರ ಕಾಯಕವನೆಂದಿಗೂ ಎಣಿಸದಿರಿ ಎಂದು ಭಾರ ಭಾರದ ಮನ ಹೊತ್ತ ನಮ್ಮ ‘ಕಾಯ’ವೇ ಭಾರ ಕಾಯುವವನ ಮೇಲಿರಿಸಿ ಪೂರ್ಣ ಭಾರ ಹಾರುವಷ್ಟು ಹಗುರಾಗುವಿರಿ ಸೇರುವಷ್ಟು ದೂರ #ಏನೇ_ಹೇಳಿ, ಕಾಯಕದಿಂದ ಕೈಲಾಸ ಕಾಣುವ ಕಲ್ಪನೆಯೇ #ಆತ್ಮನಿರ್ಭರ ……

ಭಾವನೆಗಳು ಕ್ರಯ ವಿಕ್ರಯಗಳ ವ್ಯವಹಾರಗಳ ಭರದಲ್ಲಿ ಬಿಕರಿಯಾಗದೆ ಉಳಿದ ಭಾವನೆಗಳು ನೂರಾರು ಬಯಕೆ ತುಂಬಿದ ಕಂಗಳಲ್ಲಿ ಕಾತುರ ಸಾವಿರಾರು ಇದ್ದರೇನಂತೆ ಬೇಡಿಕೆಗಳು ಪೂರೈಕೆದಾರನದ್ದೇ ತಕರಾರು #ಏನೇ_ಹೇಳಿ, ಅನುಭೋಗಿಸುವ ವಸ್ತುಗಳ ತೃಪ್ತಿಯು ತಾತ್ಕಾಲಿಕ ಅನುಭವಿಸುವ #ಭಗವಂತನ ಭಕ್ತಿಯ ಹಿತವೇ ಶಾಶ್ವತ.